Rússnesku birnirnir unnu

þrátt fyrir að söngvarinn skriði um á gólfinu sem mér fannst sérkennileg sviðsframkoma eins og áður hefur komið fram.  Það lag fannst mér svona allt í lagi og það var mikið í það lagt hjá rússunum.  Mér fannst okkar fólk standa sig mjög vel, er samt ekki frá því að mér hafi líkað betur flutningurinn hjá þeim á fimmtudagskvöldið.  Ég var að vonast til þess að þau kæmust í topp tíu, fannst persónulega og prívat að þau ættu það alveg skilið en svona er evróvisíon.  Við getum bara verið stolt með fjórtánda sætið það er allavega margfalt betra en að komast ekki í aðalkeppnina.  

Norska lagið var mjög gott, sænska dívan var flottari í gær en á fimmtudaginn, danir og finnar ágætir, mér fannst vanta smá kraft í aðalsöngvarann í franska laginu en bakraddirnar þar voru svaka fínar.  Mér fannst stundum lýsingin og notkun á sjónvarpsvélunum vera skrítin í gær, t.d. voru þau í skugga á tímabili Friðrik Ómar og Regína sem mér fannst mjög slæmt.  Mér fannst vindvélin ofnotuð í gærkvöldi til dæmis í portúgalska laginu þar sem kjólarnir á konunum klessust alveg upp að þeim það fannst mér vandræðalegt og ljótt og draga athyglina frá flutningi lagsins.

Svona er þetta það verður allt að ganga upp lag og flutningur og sviðsframkoma, notkun  sjónvarpsvéla, lýsing og svo framvegis.  Mér fannst sumir söngvararnir í gærkvöldi vera í basli með að halda lagi sem mér finnst sérkennilegt með lög sem eru komin í úrslit í evróvisíon.  En þetta var bara gaman þótt að Evrópa hafi ekki verið samþykk mér með stöðu íslenska lagsins miðað við hin lögin því ég fer ekkert ofan af því að þau voru í topp tíu hjá mér.

Ísland endaði í 14. sæti

Athugasemdir

[Anna Ólafsdóttir (anno) (IP-tala skráð) 25.5.2008 kl. 21:07]

Sammála þér í þessari greiningu, sérstakleg með flaskan söng og mistök í myndvinnslu. þar klikkaði ýmislegt sem var í fínu lagi í undankeppnunum. Mér fannst rússneska lagið að vísu ekki gott og söngvarinn afspyrnu tilgerðarlegur, óskaplega meðvitaður og frekar pirrandi.

Mér fannst söngurinn enn betri hjá okkar fólki í gærkvöldi, t.d. betri lykkjur hjá Friðriki og Regína enn betri þegar hún kom inn í lagið. En myndvinnslan klikkaði eins og þú bendir á, og þau lentu í skugga að minnsta kosti í tveimur skotum.

Ég tók líka eftir þessari vindnotkun í portúgalska laginu og fannst það truflandi að sjá hvítu kjólana á bakraddasöngkonunum svona klessta.

Mér fannst norska lagið frábært. En umfram allt getum við verið stolt af okkar fólki, eins og danski blaðamaðurinn sagði. Við áttum skilið að komast hærra en það er ekki auðvelt þegar Austur-blokkin er orðin svona stór hluti af þátttökulöndunum. 

[Anna Ólafsdóttir (anno) (IP-tala skráð) 25.5.2008 kl. 21:09]

ÚPPS: falskan söng - átti það að vera