Önnur ferskeytla frá heimsóknarvini

Heimsóknarvinur þessarar bloggsíðu var svo hrifinn af mynd Sigmunds í Mogganum í dag að hann samdi samstundis þessa ferskeytlu og sendi til síðunnar:

Ingibjörg í fríið fer
fær sér bein að naga.
Eftirlaunin eftir sér
ætlar hún að draga.

Det er danskt, det er dejligt

Þetta sögðu danirnir þegar ég var þarna úti í Kóngsins Kaupmannahöfn á hinni öldinni.  Det er danskt det er dejligt,  flagga með Dannebrog og að mála Dannebrog framan í sig fyrir landsleiki í fótboltanum er sérdanskt í mínum huga.  Mér fannst sloganið det er danskt det er dejligt vera notað til að fá danina til að kaupa danskar vörur, styðja danskan iðnað og danskar hugmyndir og idealógíu svona yfirleitt.  Nú les ég það á blogginu hennar Rósu frá Kaupmannahöfn að þar sé sveifla í pólítíkinni út af jafnréttismálunum.  Mér finnst það mjög áhugavert, ekki síst út af orðræðunni hér heima á Íslandi um jafnréttismál og hve inngróið það virðist vera í þeirri orðræðu gömlu góðu skotgrafirnar um útlit, ófullnægingu, og kynhneigð þeirra sem á annað borð fara út á jafnréttisumræðu vígvöllinn.  Því finnst mér þetta vera merkilegt mál frá Danaveldi.  

Bankar rukka börn um FIT-kostnað

Mér finnst þessi frétt og aðrar varðandi FIT kostnað sem bankar rukka athyglisverð.  Lög um tékka sem vitnað í sambandi við þennan FIT kostnað er í eru frá árinu 1933.  Það í sjálfu sér er athyglisvert að við alla þá breytingu á viðskiptaháttum sem orðið hefur frá árinu 1933 að þá standist þessi lög svona vel tímans tönn.    Auðvitað á fólk ekki að taka meira út af reikningum sínum en það hefur leyfi til.  En ætti það nokkuð að vera hægt?  Í þá gömlu daga þegar ávísanir voru notaðar þá var sjálfsagt hægt að hringja í bankana og athuga hvort innistæða væri fyrir þeirri ávísun sem menn höfðu í höndunum í hvert skipti.  En bankarnir hafa alltaf haft ákveðinn opnunartíma þannig að sú þjónusta hefur ekki verið allan sólahringinn.  Núna eru komin greiðslukort og ég var svo bláeygð að halda að þá væri ekki hægt að greiða með þeim ef eingin innistæða væri fyrir greiðslunni.  Og sú þjónusta væri opin allan sólahringinn.  

Bankarnir

Ég tók eftir því í viðtali um daginn við forstjóra Kaupþings banka að þegar hann var spurður um það hvort ekki væri svigrúm til að lækka vextina hér á Íslandi að hann svaraði því ekki en sagði að  bankinn ætlaði að borga meira í skatta.  

 

Alþingismennirnir mínir

Lýst er eftir alþingismönnunum mínum.  Þeir eru:

Ágúst Ólafur Ágústsson

Ásta Ragnheiður Jóhannesdóttir

Ásta Möller

Birgir Ármansson

Björn Bjarnason

Geir H. Haarde

Illugi Gunnarsson

Ingibjörg Sólrún Gísladóttir

Jón Magnússon

Kolbrún Halldórsdóttir 

 

Nokkuð varð vart við þá í vor en eftir að þingi var frestað þann 13. júní sl.  hefur lítið orðið vart við þá í kjördæminu.  Á vef Alþingis er þennan boðskap að finna:

ALÞINGI (134. löggjafarþingi) HEFUR VERIÐ FRESTAÐ FRÁ 13. JÚNÍ TIL SEPTEMBERLOKA.
Alþingi, 134. löggjafarþing, kom saman til fundar fimmtudaginn 31. maí 2007. Þinginu var frestað 13. júní. Þingfundir urðu tíu og stóðu í 41 klst.

Skundum á Þingvöll

Gaman - einn enn bloggvinur kominn í hópinn hjá mér - þetta er rífandi gangur bara.  Það er Rósin, eða Rósa Guðrún Erlingsdóttir - takk fyrir þetta Rósa.  Ég hitti hana fyrir nokkrum árum, þá sá hún um undirbúning og umsjón á baráttu og afmælishátið sem haldin var á Þingvöllum 19. júní 2005.  Þá var ég formaður Kvennakórs Reykjavíkur sem fenginn var til að syngja á Þingvöllum ásamt Diddú og var mjög gott að eiga samstarf við Rósu.  Ég hef aðeins fylgst með blogginu hennar uppá siðkastið eftir að ég uppgötvaði að þetta var hún.  

Dagurinn 19. júní 2005 var mjög skemmtilegur dagur, mjög gaman að hlusta á þær konur sem þarna voru með ræður sem voru man ég Vigdís fyrrverandi forseti vor og Kristín Ásgeirs, einnig voru þarna flutt ljóð, sungið, fjallkonur stóðu á hamrabrúnum, blóm í drekkingarhyl og ýmislegt fleira. 

Það var alveg rosaleg rigning þennan dag á Þingvöllum en það skipti engu máli.