Hverjir eru bestir?

Samkvæmt þessari úttekt eru það strákarnir.  Þeir eru bestir og fá betri laun en stelpurnar í samræmi við það.  Það er svo einfalt.  Sorry girls störf okkar eru bara ekki eins mikils virði og störf strákanna. 

Athugasemdir

[Baldur Gautur Baldursson, 17.4.2008 kl. 21:10]

Guðrún! Takk fyrir að segja þetta bara svona hreint út! Konur eru ekki og hafa ekki verið metnar til jafns mönnum. Þetta er bara söguleg staðreynd. Þið hafið fengið að standa til hliðar ... þú manst þetta enska: "Behind every great man there is a great woman".  Þið byrjuðuð hérna fyrr á öldum fyrstar að vinna, risuð úr rekkju fyrir öll mál og lífguðuð eldinn sem þið geymduð kvöldið áður, rétt áður en þið fóruð síðastar að sofa. Þið sáuð um bú og börn (jú annars, þið eignuðust líka börnin eftir að hafa burðast með þau í 9 mánuði, ef allt gekk vel) - þið sáuð oft um uppeldið og að fæða og klæða heimilið. Þegar harðnaði í ári á stríðsárunum fenguð þið að ganga í störf karlanna og bera uppi enn stærri hluta vinnuálags vinnumarkaðarins, en fyrir miklu lægri laun en karlarnir. Í dag yfir hálfri öld síðar, eruði enn óvirtar, niðurlægðar, teknar fyrir gefnar og hæddar.  Hvenær lýkur þessu rugli og manngildið vegur jafnt; kona vs. karl.   Líkega vantar viljann hjá ykkur konum. Muniði hvað þið gátuð gert á stóra kvennafrídaginn þegar allar konur sameinuðust.  Gerið þetta aftur og aftur og aftur þar til samfélaginu byrjar að blæða og stjórnmálamenn dyrfast ekki að mæla mót ykkur.  Go, women go!

[Guðrún S Hilmisdóttir, 18.4.2008 kl. 07:53]

Já ég held að við stúlkurnar verðum að átta okkur betur á því að þetta er eilíf baráttan sem enginn stendur í nema við sjálfar!