Vegbúi

Ég og við höfum verið miklir vegbúar þessu síðustu tíma.  Höfum brunað fram og tilbaka um landið þvers og kruss, lengst farið suður að Skógum og austur í Borgarfjörð eystra.  Annars keyrt mest norður og suður aftur og aftur eins og gengur hjá okkur. 

Vorum að koma suður í dag eftir stuttann skrepp á Krók þar sem foreldrarnir komu úr berjamó með 8 lítra af svörtum aðalbláberjum.  Mikil berjaspretta í Skagafirðinum.  Fórum síðan áfram í Dalinn væna og týndum þar einnig ber en ég held að berjasprettan þar sé ekki alveg komin eins langt og í Skagafirði.  Það var kaldara vorið held ég og snjórinn lengur í dalnum.  En það er alveg hægt að týna og við komum heim með þrjá til fjóra lítra.

Við kíktum aðeins á Fiskidaginn mikla niðrá Dalvík í dag áður en við brunuðum hingað suður.  Á Dalvík var múgur og margmenni og mikið um að vera, þetta er annað sinn sem við förum á Fiskidaginn og það virðist alltaf vera sól og fallegt veður á þessum degi.  Uppá sviði var nýr kvennakór hjá þeim á Dalvík ég man því miður ekki nafnið á kórnum en þær sungu nokkur lög og mér leist bara bærilega á þær.  Fyrsta lagið þeirra var Vegbúinn eftir K.K.