Nú andar suðrið

Ég ætlaði að finna sniðuga þýðingu á Blow the wind southerly en tókst það ekkert svona í morgunsárið og finnst bara gott að fara í smiðju til Jónas Hallgrímssonar.  Sunnanblærinn er okkur góður og svo er einnig eitthvað voða sérstakt við góðar öltur.  

Blow the wind southerly, southerly, southerly,
Blow the wind south o'er the bonny blue sea;
Blow the wind southerly, southerly, southerly,
Blow bonnie breeze, my lover to me.

They told me last night, there were ships in the offing,
And I hurried down to the deep rolling sea,
But my eye could not see it wherever might be it
The bark that is bearing my lover to me.

Stríð og friður

 

Ég er á póstlistanum hjá Sinfóníuhljómsveit Íslands. Einhvern tímann í vetur kom póstur um það að það kæmi rússi í heimsókn til að stjórna hljómsveitinni í rússnesku verki.  Ég ákvað með det samme  að kaupa miða.  Rússar eru náttúrlega bara flottir og þeir hafa betri skilning á sinni músík en aðrir.  Sem er bara rétt og skiljanlegt.  Allavega fórum við hjónin í gær á tónleika hjá Sinfóníuhljómsveit Íslands undir stjórn Gennadi Rodestvenski.  Fyrst spilaði eiginkona stjórnandans Viktoaria Postnikova einleik í píanókonsert 24 í C moll eftir Mosart. Mósart hefur virkað á mig sem svona léttur og skemmtilegur og kannski þess vegna hafði ég mjög gaman af þessum píanókonserti hans Mosart því þar kvað við annan tón.  Því þessi píanókonsert verandi í  í moll og allt það er tregafullur og dapur á sinn hátt þótt þar séu kraftmiklir kaflar í bland.  Viktoria hefur sérstaklega lag að spila létt á píanóið sem ég hef ekki heyrt hjá öðrum einleikurum.  Mér fannst það áberandi í uppklappslaginu sem var mjög fallegt hjá henni.  

 

Eftir hlé komu síðan Rússarnir í öllu sínu veldi.  Það var gaman að fylgjast með stjórnandanum benda svona hist og her sem var þó algjörlega ekkert hist og her.  Og fylgjast með hljómsveitinni en stjórnandinn hafði þau algjörlega á sínu bandi og í sínu valdi allan tímann.  Mér fannst mjög áberandi að stjórnandinn vildi fá þögn hér og þar og þá bara algera þögn sem virtist vera erfitt fyrir hljómsveitina að ná.  Mér finnst þetta trennd einmitt vera áberandi í þessu gamla myndbandi sem er af þessum frábæra stjórnanda að stjórna verki eftir annað rússneskt tónskáld en í gær.  Rosalega skemmtilegur stjórnandi hér á ferð sem hafði hljómsveitina algjörlega með sér sam mér fannst líka gaman að sjá því allir í hljómsveitinni voru bara að fylgjast með því hvað hann var að benda og gera.  Bara frábært en fyrst og fremst var það náttúrulega tónarnir og hljómarnir sem hvefldust yfir mann þannig að fyrst og fremst að það náttúrulega tónskáldinu að þakka. Sem hann benti á í lokin.  Það  eru þau sem eru að gera þetta allt mögulegt.  Frábærir tónleikar í alla staði.

Til hamingju Ísland

með annað sætið, rosalega flott hjá okkar fólki sem stóð sig eins og hetjur.  Ég er mjög ánægð með Eurovision þetta árið, var mjög hissa á því að við skildum lenda í örðu sæti, átti ekki von á því en vonaði alltaf að við yrðum í topp tíu.  Mér fannst þau öll mjög flott en auðvitað er það lagið og Jóhanna sem eiga vinninginn hvað okkur varðar.  En Alexander var mjög pottþéttur og flottur með álfasöguna sína og á sigurinn skilið.

Osanna in excelsis

Jæja þá er tónleikadagurinn runninn upp bjartur og fagur.  Tónleikarnir verða í Lanholtskirkju og hefjast klukkan þrjú.  Mikið meistarastykki hér á ferð, H moll messa Bachs bæði flottir kórkaflarnir og svo eru aríurnar margar hverjar undur fagrar.  Kammersveit Jón Leifs Kammerata spilar á tónleikunum og þar er valinn maður í hverju rúmi að mínu mati amk.  Það hafa orðið breytingar á sóloistunum okkar, komin nýr sópran í málið sem söng með miklum glæsibrag á æfingunni í gær. Hálsbólga og veikindi eru að hrjá söngfólkið sem er ekki gott en það er þó bót í máli að það er hægt að ná í fólk með stuttum fyrirvara til að bjarga málum.  Þetta er mikil tónlistarmessa sem verður flutt í Langholtskirkju í dag og ég hvet alla að drífa sig á tónleikana.

Kór:

Osanna in excelsis.
Dýrð sé Guði í upphæðum  

 

H moll messa Bachs

 

 Jæja þá er alveg að koma að flutningi kórs Vox academica á H moll messu Bachs en með kórnum á þessum tónleikum verður einvalalið einsöngvara, þau Hlín Pétursdóttir Behrens, sópran, Ingunn Ósk Sturludóttir, mezzósópran, Gissur Páll Gissurarson tenór og Jóhann Smári Sævarsson og Agúst Ólafsson bassar. Kammersveitin Jón Leifs Camerata leikur með kórnum nú sem svo oft áður, en stjórnandi er Hákon Leifsson.

Tónleikarnir verða í Langholtskirkju þann 16. maí n.k. klukkan 15:0.

Það var kóræfing með hljómsveitinni í Langholtskirkju á þriðjudaginn.  Hljómsveitin raðast þannig niður að flauturnar eru beint fyrir framan okkur í fyrsta sópran.  Og í þessum kafla, Qui tollis peccata mundi þá hófu þær upp mikið flautuspil sem ég hafði ekki gert mér grein fyrir að væri í kaflanum.  

Svo hvet ég alla til að koma á þessa tónleika og láta þessa fallegu tónlist lyfta sér upp.

Kór:

Qui tollis peccata mundi, miserere nobis. Qui tollis peccata mundi, suscipe deprecationem nostram.
Þú sem burtu ber syndir heimsins, miskunna þú oss. Þú sem burtu ber syndir heimsins, heyr bæn vora.

Adagio fyrir strengi

Heyrði þessa fallegu tónlist hér í morgunsárið í útvarpinu mínu og ákvað að deila henni með öðrum þetta er Adagio fyrir strengi eftir Samuel Barber og hérna er verkið flutt af BBC hljómsveitinni undir stjórn Leonard Slatkin á minningartónleikum fyrir þá sem létust 11. september 2001.  Mikill tregi í þessu.

Laugardagur til lukku

Mikið um að vera hjá mér í gær.  Fór fyrst á æfingu með hljómsveit og einsöngvurum klukkan hálf tíu um morguninn upp í Grafarvogskirkju sem lauk klukkan eitt.  Þá átti að raða stólum og ýmislegt fleira en Þóru Einarsdóttur, sóprandívunni okkar í verkinu vantaði far niðrí bæ þannig að ég bauðst til að skutla henni.  Þar sem við erum að keyra yfir Gullinbrú þá leist mér bara ekkert á blikuna.  Ég varð algjörlega blinduð af sól og sá varla nokkurn skapaðan hlut.  Ég var dauðhrædd um að keyra út í skurð eða að einhver myndi keyra aftaná mig.  Enda voru þarna einhverjir bílar sem lentu í ákeyrslu við fyrstu ljósin.  Ég kom Þóru heim til hennar án nokkura vandkvæðna og létti við - eins gott því þarna var nú ekkert neitt lítið mikilvægur farþegi með í för!

Svo komu tónleikarnir um kvöldið, troðfull kirkja og stemning.  Flutningurinn gékk mjög vel, auðvitað finnst mér kórinn Vox academica mjög flottur og stjórnandinn hann Hákon frábær, einsöngvararnir flottir en mesta upplifunin hjá mér á tónleikunum sem flytjanda var hvað hljómsveitin var æðisleg  og vann frábærlega með okkur á tónleikunum.  Við eigum margt rosalega flinkt tónlistarfólk. 

Það verður að játast að það varð toppur að syngja O Fortuna í síðara skiptið því þá söng maður og bara allur kórinn á útopnu.  Ég hafði ekki átt von á þessu mómenti einhvern veginn sem kom svo þarna á tónleikunum.  Enda erum við þarna búin að flytja verkið og því þarf maður ekkert að eiga inni orku fyrir rest eða þannig.  Getur bara notað þá orku sem maður vill láta fara.   Algjörlega frábært móment fyrir mig amk.   En jafnvel þótt allur flutningur hafi verið góður þá er það eins og Hákon Leifsson sagði eftir tónleikana verkið, Carmina Burana sem er best of the best og í aðalhlutverki, það er virkilega skemmtilegt og ég var alltaf að finna eitthvað nýtt og nýtt í því.

Það er eitthvað sérstakt kikk í því að syngja á tónleikum fyrir áheyrendur.  Að taka þátt í flutningi á góðu verki með stórri hljómsveit, kór og einsöngvurum fyrir fulla kirkju af áheyrendum er bara æðislegt.  Og við þá sem komu á tónleikana í gærkvöldi vil ég bara segja eitt - Takk fyrir mig.

Carmina Burana

Þá er komið að því.  Annað kvöld í Grafavogskirkju klukkan 20:00 flytur kórinn Vox academica ásamt sveitinni Jón Leifs Camerata, Þóru Einarsdóttur sópran, Alex Answorth baritón og Þorgeiri Andréssyni tenór verkið Carmina Burana eftir Carl Orff. Og einig er með unglingakór Grafarvogskirkju, má ekki gleyma því.   Ég mæli með því að þeir sem hafa áhuga á góðri tónlist drífi sig á tónleikana annað kvöld. Set hér inn kynningu frá kórfélaga vegna tónleikanna:

Þegar á harðbakkann slær í samfélaginu er fátt hollara en að koma saman eina kvöldstund og hlýða á tónlist og það má reyndar segja að Carmina Burana eftir Carl Orff eigi óvenju ríkt erindi til okkar á krepputímum. Þetta áleitna, fjöruga og dramatíska kórverk sækir efni sitt og tónmyndir til evrópskrar miðaldahefðar og í þessum bæversku ljóðum er sungið um hverflyndi gæfunnar og hömlulaust gjálífi, um hörmuleg örlög þeirra sem hreykja sér of hátt og smæð mannsins frammi fyrir almættinu. En kvæðin fjalla líka um þau gildi sem í raun skipta okkur öll mestu máli: himneska ásýnd náttúrunnar, unað ástarinnar og margbreytilegt eðli mannsins.

Tónlist Orffs er í senn létt og leikandi, fjörug og gáskafull, magnþrungin og dramatísk, margbrotin og krefjandi. Vox academica fær sem fyrr til liðs við sig einvalalið úr hljómsveitinni Jón Leifs Camerata, alls 55 frábæra hljóðfæraleikara.    Þóra Einarsdóttir sópran, Alex Answorth baritón og Þorgeir Andrésson tenór munu túlka einsöngshlutverk verksins og félagar úr unglingakór Grafarvogskirkju taka þátt í flutningnum.

Kórinn Vox academica er löngu orðinn íslenskum tónlistarunnendum að góðu kunnur fyrir vandaðan flutning á stórum kórverkum og er skemmst að minnast flutnings kórsins á Sálumessu Verdis í Hallgrímskirkju í apríl sl. Stjórnandi Vox academica er Hákon Leifsson, sem einnig er organisti og tónlistarstjóri Grafarvogskirkju og kennari í kórstjórn við Tónskóla þjóðkirkjunnar. Tónleikarnir verða í Grafarvogskirkju laugardaginn 22. nóvember kl. 20:00.  

Til hamingju Ísland

með silfrið í handknattleik á Olympíuleikunum í Peking 2008.  Stórglæsilegu árangur og við getum verið  ánægð með árangur okkar íþróttamanna.

Við fórum á tónleika 200 000 Naglbíta og Lúðrasveitar Verkalýðsins í Hafnarhúsinu í gærkvöldi.  Mjög gaman, ég hef ekki farið á tónleika né ball með þessari hljómsveit.  Afi og amma þeirra bjuggu í Borgarnesi og er ljóst að þeir hafa fengið augnsvipinn úr föðurættinni.

Þeir spiluðu m.a. þetta lag, Láttu mig vera sem ég fann á youtube.  Er samt ekki frá því að ég sé sammála Villa Naglbít sem lýsti því yfir að lagið þeirra Hjartagull væri sitt uppáhaldslag.  Lúðrasveitin var þétt og gerði skemmtilegan Magical Mystery Tour svip á tónleikana að mínu mati amk.  Þeir þrír í 200 000 Naglbítum eru mjög góðir, mér finnst líka gaman þegar maður getur fylgst með trommuleikurum í hljómsveitum, trommarinn var framarlega á sviðinu og þar gat maður séð hvað var í gangi hjá honum.  

 

 

Bræðslan 2008

 

Jamms þá er fjölskyldan búin að fara á Borgarfjörð eystra og taka þátt í Bræðslunni 2008. Það var mikið fjör og mikið stuð.  Við fjölskyldan mættum í bræðsluskemmuna klukkan korter í átta og náðum við þrjú stæði í þriðju röð frá sviðinu og fórum ekkert þaðan alla tónleikana til þess að missa ekki þann góða stað.  Unga parið sá um sig sjálft og var meira á einhverju randi inn og út en þau sögðust þó hafa náð ágætis staðsetningu þegar Eyvör byrjaði að spila. 

Klukkan tuttugu mínútur yfir ellefu þegar Damien Rice var búinn að kyrja nokkur lög var ég orðin þreytt í fótum og eitthvað farin að þjást af loftleysi og hita.  Ég spurði þá kallana mína tvo hvort við ættum að færa okkur eða etv. fara út. Nei, þeir héldu nú ekki þannig að við stóðum áfram sem fastast út alla tónleikana - sem ég var mjög ánægð með að við skyldum endast til að gera.  En eftir tónleikana sem enduðu klukkan korterítólf höfðum við aðeins krafta til að staulast heim í tjald og misstum því af eldhúspartýinu þar sem Eyvör spilaði en þangað fór unga parið okkar.  Einnig misstum við af því þegar Damien Rice fór að spila úti í brekkunni um nóttina.  En við vorum og erum alsæl með Bræðsluna 2008.

Það var mjög gaman að hlusta á allt það listafólk sem þarna kom fram, það var hvert með sínu lagi eins og gengur.  Eyvör var mjög góð og Damien Rice er mun betri live en á plötum eða í sjónvarpi.  Mér fannst mun meiri kraftur í honum si svona heldur en maður verður var við á upptökum.  Það voru mörg mjög góð lög sem hann flutti þarna en jafnvel finnst mér þetta lag sem ég fann á youtube vera með þeim betri þetta kvöld.  Þetta er lag sem Damien Rice sagði þarna um kvöldið hafa hafa samið um fjórtán ára aldurinn og fjallar um ákveðið athæfi sem hann þá stundaði nokkuð grimmt.  

Myndband af flutningnum á Bræðslunni er komið á youtube -